ບໍລິສັດ ລາວປະເມີນຊັບສິນ ຈຳກັດ
Lao Assets Appraisal

ກ່ຽວກັບບໍລິສັດ
ບໍລິສັດ ລາວປະເມີນຊັບສິນ ຈຳກັດ ຈົດທະບຽນເປັນບໍລິສັດຈຳກັດ ໃນວັນທີ 10 ພຶດສະພາ 2017 ໄດ້ກໍ່ຕັ້ງຂື້ນຈາກການລວມຕົວຜູ້ທີ່ມີປະສົບການທາງດ້ານປະເມີນຊັບສິນ ຊຶ່ງເປັນ ບໍລິສັດ ປະເມີນ ມູນຄ່າຊັບສິນ ທຳອິດໃນ ສປປລາວ ແລະ ໄດ້ຮັບການຮັບຮອງຈາກ ສຳນັກງານ ຄະນະກຳມະການ ຕະຫຼາດຫຼັກຊັບ ຢ່າງເປັນທາງການ ໂດຍມີຈຸດປະສົງ ນອກຈາກ ໃຫ້ທຸລະກິດຈະເລີນກ້າວໜ້າ ແລ້ວ ຍັງຕ້ອງການໃຫ້ ຄວາມຮູ້ ຄວາມສາມາດ  ແລະ ປະສົບການ ໃຫ້ແກ່ ຜູ້ປະເມີນທຸກໆທ່ານ ເພື່ອ ພັດທະນາ ວິຊາຊີບ ປະເມີນຊັບສິນ ໃຫ້ມີຄວາມກ້າວໜ້າທັນສະໄໝ ເປັນທີ່ຍອມຮັບ ຕາມມາດຕະຖານ ສາກົນ ແລະ ເນັ້ນການປະກອບວິຊາຊີບດ້ວຍຄວາມ  ເປັນທຳ  ຊັດເຈນ  ແລະ ມີຫຼັກເກນ   ຕາມມາດຕະຖານ  ຈັນຍາບັນ ວິຊາຊີບ ການປະເມີນມູນຄ່າຊັບສິນ.
> ທຶນຈົດທະບຽນ 500.000.000 ກີບ (ຫ້າຮ້ອຍລ້ານກີບຖ້ວນ)
> ໃບຮັບຮອງບໍລິສັດປະເມີນມູນຄ່າຊັບສິນ ໃນວຽກງານຫຼັກຊັບ ເລກທີ 009/ສຄຄຊ

ພາລະກິດ 
   ລິເລີ້ມ ແລະ ສ້າງວຽກງານການປະເມີນລາຄາຊັບສິນໃນສປປລາວ ໃຫ້ເປັນມາດຕະຖານ ແລະ ເປັນທີ່ຍອມຮັບໃນຕະຫຼາດການເງິນ;
   ປະຕິບັດໜ້າທີ່ຜູ້ປະເມີນລາຄາຊັບສິນຕາມມາດຕະຖານຈັນຍາບັນວິຊາຊີບການປະເມີນລາຄາ ດ້ວຍຄວາມ ເປັນທຳ ຊັດເຈນ ແລະ ມີຫຼັກເກນ.
ວິໃສທັດ 
ເປັນຜູ້ນຳທາງດ້ານການປະເມີນລາຄາຊັບສິນ ໃນ ສປປລາວ ແລະເປັນທີ່ຍອມຮັບໃນພາກພື້ນ.